Executive日記——支持兒童發展基金 豪華郵輪載學員「乘夢啟航」

        好多家庭每年都成家人外遊散心,但對基層家庭嚟講,呢種生活享受,遙不可及。為支持港府成立十周年嘅兒童發展基金,星夢郵輪昨日為基金舉辦「Dream Cruises乘夢啟航」郵輪體驗活動,參與學員及家人玩得好開心之餘,有同學仲深受鼓勵,話立志長大後要做船長!

        八十三名學員及家人共逾一百五十人昨天一齊登上樓高十八層嘅「世界夢號」,即日往返香港及廣州南沙,佢哋喺航程中玩高空繩索,仲嘗試打迷你高爾夫、攀岩、玩VR遊戲等,大人細路都盡興;主辦單位又安排專人帶佢哋參觀,講解郵輪運作及各個崗位職責。就讀香港航海學校嘅十九歲學員曾勁麟係第一次坐郵輪,上船後好興奮,周圍影,佢話自細好鍾意大海,夢想成為一名遠洋船長。星夢郵輪就貼心安排勁麟進入船長室,同船長Jan Blomqvis見面,勁麟受到鼓舞,話會用功讀書,實現做船長嘅夢想咁話。

特首鼓勵續追夢

  星夢郵輪總裁戴卓爾布朗話,希望透過活動回饋香港,將郵輪樂趣帶畀更多香港家庭,啟發年輕人努力實踐夢想。參與呢次啟航禮嘅特首林鄭月娥都鼓勵同學仔喺未來日子繼續追夢,實現自己理想。

Kelly Chu


hd