Executive日記——「兒童專用攝影機」 操作簡單又得意

  好多小朋友都鍾意學大人用智能電話周圍影,但一不留神撞花,甚至跌爛咗都咪話唔心痛。Kelly最近發現,近期小學雞好潮興一款來自日本嘅「兒童專用攝影機」,唔少家長都當小禮物送畀仔女,等佢哋同朋友仔影相一部,或者未來出到個大攝影家都未定。

  呢部相機好的骰,小妹見到介紹話操作簡單,一鍵即拍,影相、錄影都冇問題,解像度唔差㗎,仲內置多款卡通相框。咁啱有朋友嘅六歲姨甥女早兩日得到呢部相機,朋友都話姨甥女好快上手,帶住出街周圍影,又會叫大人企定定擺pose,仲要整返個自拍,相當搞笑。

Kelly Chu

hd