Executive日記——「頭條Jetso」送美食換領券 4‧29入馬場睇「愛彼女皇盃」

        啱啱放完復活節同清明節長假,Kelly相信唔少朋友同小妹一樣仍處於holiday mood,比起返工更想四周圍飲飲食食!咁啱小妹就有個假日節目好值得推介,嚟緊四月二十九號香港賽馬會將會舉辦「冠軍賽馬日」,好戲連場之餘,仲有機會見到「大美人」呀!

        當日除咗有每年一度嘅國際賽事「愛彼女皇盃」比賽之餘,仲會首次同另外兩場國際一級賽「冠軍一哩賽」及「主席短途獎」同日上演,有機會一次過睇晒三場國際賽事,可想而知氣氛一定超熱鬧!小妹仲知道,連續擔任五屆女皇盃大使嘅藝人李嘉欣,當日都會出席活動,小妹都想親眼見一下呢位凍齡「大美人」呀!

  當日喺沙田馬場分享照片上社交網站Instagram的話,有機會贏到總值六萬元嘅超高清電視,小妹一諗起以後可以4K畫質睇韓劇就興奮!O依家玩頭條Jetso App,就有機會贏到「冠軍賽馬日」一百元美食換領券一張及五十元「馬場有禮」優惠券一張!各位Jetso App贏家,四月二十九號見啦!

Kelly Chu


hd