Executive日記——保誠「守護健康」計劃 仲有貼心接載服務

  Kelly聽聞唔少世叔伯上咗年紀開始多病痛,難免擔心日後醫療負擔沉重。小妹留意到,保誠保險有限公司日前宣佈推出全新「守護健康危疾加護保」計劃,涵蓋多達一百一十八種病況,受保人喺就嚴重疾病獲賠償後,仍可就癌症、心臟病及中風本港「三大殺手」,享有高達百分之三百二十嘅延伸保障;索償早期嚴重疾病保障後仲會享有十二個月保費豁免。最特別係計劃會為乳房、卵巢、子宮、肺、肝臟等器官嘅受保良性腫瘤切除手術提供額外保障,呢樣服務係市場獨有㗎!

                           保誠仲會由五月一日開始,跟社企「鑽的」推出服務社區接載計劃,讓有需要人士享用接載服務,除咗覆診或接受治療,周末仲可以跟家人外出,共聚天倫。呢項服務真係相當貼心,Kelly都要畀個like呀!

Kelly Chu

hd