Executive日記——儲《星島日報》報頭換入場券 齊見證學界辯論王者誕生

        學界一年一度盛事「星島全港校際辯論比賽」,係同學表現思維、辯才同學習語文、通識嘅好機會,Kelly知道學界非常重視。呢項辯論嘅總決賽將於下月中舉行,屆時辯論高手雲集,超過二千名校長、老師、學生同家長見證王者誕生,仲有特區政府問責官員、教育界精英同名人擔任嘉賓評判,難得大會公開邀請市民入場觀賽,大家快啲換番張入場券啦!

        第三十三屆「星島全港校際辯論比賽」將喺五月十五日於伊利沙伯體育館舉行總決賽,進入中、英文組決賽嘅四隊勁旅,係由一百九十六隊參賽隊經過幾百場激辯脫穎而出,絕對係強者對決,小妹每年都去打氣,見到學生們雄辯滔滔,大開眼界,學到唔少嘢!

  比賽由《星島日報》、《英文虎報》及教育局合辦,今屆大會邀請到多位城中名人同教育界精英擔任評判,包括政務司司長張建宗、財經事務及庫務局局長政治助理楊寶蓮同行會成員湯家驊等,陣容鼎盛。

  如果大家想見證呢場王者之戰,記得由即日起至五月十一日剪存相關廣告印花及一個有效嘅《星島日報》報頭,去到星島中心或指定7-11便利店換領,又或於五月八日前連同貼有兩元郵票嘅回郵信封,寄到星島新聞集團換領入場券兩張啦!

  小妹提提大家,詳情請瀏覽www.stheadline.com/debate,而入場券數量有限,每人每次最多可以五個《星島》報頭換領十張入場券,快啲行動啦!

Kelly Chu

hd