Executive日記——探索家酒店一歲 港人優惠同慶賀

  迪士尼探索家度假酒店一歲啦!為慶祝呢個特別日子,香港迪士尼樂園度假區推出香港居民專享嘅一周年優惠,由四月十六日至二十九日期間,大家喺迪士尼官網預訂任何酒店,並喺五月一日至六月三十日入住嘅話,可享一周年限定價,房價由一千一百八十八蚊起;奇妙處處通會員透過會員專頁訂房,仲有每晚額外一百蚊折扣優惠㖭,等小妹都約班姊妹去放鬆下先得!另外,五月同六月生日嘅賓客喺生日月份入住,更可獲贈免費樂園門票同專享同行親友樂園門票優惠,大家心動就不如行動啦!

  香港迪士尼樂園度假區銷售及酒店營運副總裁王萬民話,今次嘅優惠係想同市民一同慶祝探索家度假酒店嘅一歲生日,仲預告話四月下旬會推出全新特快網上預辦入住服務㖭!

Kelly Chu


hd