Executive日記——《溏心》班底舞台劇 家產保衞戰《秘密》 

  李司棋、夏雨、米雪、阮兆祥再聚頭,唔通《溏心風暴》拍續集﹖原來佢哋將會喺大航假期贊助嘅舞台劇《秘密》中演出,陣容鼎盛,Kelly好想睇!

  由大航假期十五周年呈獻,美亞綜藝、國藝娛樂、映藝劇團主辦、忠藝娛樂策劃及製作、楊紹鴻監製及執導,以電視劇《溏心風暴》班底 — 李司棋、夏雨、關菊英、米雪、阮兆祥連同資深演員曾偉明打造嘅舞台劇《秘密》,將會喺本月二十八日至下月二日於北角新光戲院大劇院上演。

  《秘密》係一場分秒必爭嘅家產保衞戰,劇情引人入勝,有嫉妒心重嘅李司棋、小男人嘅夏雨、性格倔強嘅米雪、毒舌嘅關菊英、小滑頭嘅阮兆祥,一齊展開埋身戰。一班演員由電視台鬥到舞台,好有吸引力﹗《秘密》嘅六位演員本周日舉行咗一場見面會,同觀眾以遊戲方式近距離接觸,同作「演技測試」,台上台下打成一片,氣氛好熱鬧!

Kelly Chu

hd