Executive日記——世界級藝術品任睇 法國五月藝術節 「意識」全球首次亮相

        「法國五月藝術節」開幕, 嚟緊大把精采活動排住隊等大家,最近仲有著名法國雕塑家Nathalie Decoster嘅個人紀念展覽睇,其中更包括一個全新嘅巨型雕像「意識」(Consciousness),全球首次亮相,為香港帶來世界級藝術傑作,當中仲帶出咗唔少令人反思嘅信息,Kelly好欣賞!

        法國巴黎機場管理局集團今次趁「法國五月藝術節」,為香港呈獻Nathalie嘅個人紀念展覽,當中佢更特別為當局創作嘅全新雕塑「意識」,即日起至今個月二十七號期間,將率先喺金鐘太古廣場作全球首展,仲係獨一無二,認真威水!

  Kelly知道,高四點七米嘅「意識」,以鐵、不銹鋼及拋光鋁金屬等多元化素材製作而成,巨大圓環上擺放住Nathalie經典細小人型雕像,搖搖欲墜咁企住。作品配合周邊嘅互動屏幕同相片,象徵邀請觀賞者走進夢中,反思過去同人性嘅脆弱,享受片刻恬靜。同她另一件著名作品「使者」(Messengers)有同一訊息,向居於大城巿中嘅每一個人訴說佢心目中「對人性最真實嘅愛之宣言」!今次展期完結之後,作品九月就會運抵巴黎戴高樂機場,成為機場常駐藝術品,大家記住把握機會呀!

Kelly Chu


hd