Executive日記——國際博物館日 40場地免費開放

  博物館大家可能去唔少,但大家又知唔知,每年嘅五月十八號係「國際博物館日」呢?為咗響應呢個國際節日,康文署今個周末會舉行「2018香港國際博物館日」,四十間康文署轄下嘅部份博物館、文化場館等,將免費開放畀市民參觀,連上月重新開放嘅太空館都有添呀!

  今年「國際博物館日」嘅主題係為「超連結的博物館:新作為.新人類」,旨在透過各類型嘅合作項目,聚焦社區同社會上不同群體,加強彼此連繫。所以四十間本地文博單位,好似亞洲協會香港中心(圖)、東華三院文物館、饒宗頤文化館,同啱啱喺上月重開嘅太空館,嚟緊呢個星期六、日,除咗部份專題展覽同收費節目,其他展覽和活動都會免費開放,大家唔好錯過!

Kelly Chu

hd