Executive日記——太古英語音樂喜劇 原創到位捧腹大笑

  Kelly好鍾意睇藝術表演,前晚就去咗太古坊ArtisTree睇咗佢哋同青年藝術協會合作嘅原創英語音樂喜劇「PROJECT AFTER 6:Cube Culture」嘅首映,欣賞三十位文化同職業背景完全唔同嘅鰂魚涌區上班族同居民喺舞台上嘅演出,真係唔覺得佢哋係業餘呀,個個都充滿自信,完全表現出對表演藝術嘅熱誠。

  呢班業餘演員之前經過咗四個幾月嘅緊密訓練後,個個都蛻變成充滿自信嘅演員,喺舞台上施展渾身解數,將辦公室眾生相活靈活現,令現場嘉賓個個都捧腹大笑,Kelly喺現場都拍爛手掌呀。

  呢齣音樂喜劇一共上演六場,反映好熱烈,全部門票已經一早賣晒喇,門票收益全數撥捐香港青年藝術協會,以孕育更多本地藝術人才。

Kelly Chu

hd