Executive日記——林鄭母親節有感分享囝囝生活照

  昨日係母親節,身為兩子之母嘅特首林鄭月娥在facebook出post,貼出兩張愛兒生活照,其中一張係細仔林約希搭住大哥林節思膊頭高舉「V字」手勢,表情得戚鬼馬。林太就寫道:「見到孩子長大成人,追求自己嘅夢想,就係做母親嘅最大喜悅」,睇嚟佢係個廿四孝媽媽!

  而天文台fb就上載高級科學主任宋文娟同大仔一齊重溫陳年天氣報告,見到宋文娟當時大住個肚喺度報天氣,Kelly睇見都辛苦。仔仔就爆料話,細個嗰時媽媽成日喺未落雨之前叫佢收定衫,「嗰陣我就覺得媽咪講嘅嘢每一句都好準」,長大後先知道媽媽係個科學家。仔仔又趁機示愛:「媽咪錫晒你,母親節快樂!」相信宋文娟聽到心都甜晒啦!

Kelly Chu


hd