Executive日記——叙福樓同翠華 中日菜式都耍家

  香港貴為「美食天堂」,餐飲潮流變化好急速,唔少老牌餐飲企業都開始以多品牌策略吸納新顧客層。好似市傳即將招股嘅叙福樓集團,三十幾年前以中菜起家,自○七年由第二代承繼人黃傑龍掌舵後作出重大改革,以特許經營模式引入日本一線品牌「牛角」、「溫野菜」,又同時經營自設日式火鍋品牌「牛涮鍋」,去年高居香港全服務餐飲集團(日本料理)第二位,認真犀利!

  至於同樣由第二代發展新品牌餐廳嘅翠華,最近分別喺尖沙咀和將軍澳,開設以日本麵粉及天然酵母製作麵包嘅「BEAT」烘焙店,以及日式橈肉丼快餐「廿一堂」,聽聞今年仲會繼續以新品牌鋪設分店網絡,好令人期待呀!

Kelly Chu

hd