Executive日記——海報高鐵相擺烏龍 葉劉火速改正

  高鐵通車之前,仍須解決一地兩檢嘅爭議。早前立法會委員會擾攘一番後表決通過相關法案,仲要交大會審議,而委員會主席葉劉淑儀日前就喺街上掛橫額,呼籲落實一地兩檢,有朋友係高鐵迷見橫額上列車,發現唔係和諧號噃。

  呢位高鐵迷同Kelly講,橫額上嘅列車係台灣高鐵700T型列車,係日本新幹線外銷嘅第一款高鐵,於十一年前投入服務,車頭較尖,全車白色為主,仲有醒目嘅橙色間條。至於中國高鐵,佢指車頭有和諧號字樣,白色車身加上藍色間條。由於兩款高鐵外觀相似,一唔留神就會擺烏龍。小妹問過葉劉,佢話職員一時搞錯,已經改正番。

Kelly Chu

hd