Executive日記——本港歷來發現第二條 三門仔捕「地震魚」有心人製標本展出

        一條罕見嘅深海皇帶魚,近日竟然喺三門仔被漁民捕獲,佢長約三米,俗稱「地震魚」,引起市民關心會否出現「凶兆」。小妹唔知道呢個說法真定假,但八卦到有心人已取得呢條珍稀嘅魚,將製成標本,作教育用途,成為本港第二條畀市民近距離觀賞嘅皇帶魚標本。

        Kelly去過南丫島索罟灣嘅天后廟,入面展示一條皇帶魚標本,佢係喺二○○一年被當地漁民捕獲嘅。香港魚類學會會長莊棣華同Kelly講,相信今次喺三門仔捉到嘅皇帶魚,係香港有史以來第二條,非常難得!聽聞有人會將佢製成標本,用於教育展覽。

  莊棣華話,皇帶魚多數棲息喺日本深海,佢浮上水面,通常同大自然某啲規律有關,例如地震、海嘯等,好似有報災嘅作用,因此有「地震魚」之稱。

  佢仲話,日本人視皇帶魚係「龍宮之使」,即係龍宮派來報信,一定係有緊要事,所以唔食佢之餘,仲好尊重佢,視之為神聖不可侵犯!

Kelly Chu

hd