Executive日記——私人珍藏藤製「鳳尾椅」 奪冠港姐有得坐 碩果僅存無價寶!

  前港姐冠軍楊婉儀(Winnie)欠債,被債主入稟法庭追佢交出抵押品,包括港姐后冠,Kelly周圍八,發現港姐后冠用料好堅,有金有鑽,價值數以十萬元計,仲俾小妹發現,一名醉心收藏香港舊物嘅老友,收埋咗一張港姐冠軍先有資格坐嘅寶座,佢話係香港產品,現在非常稀有,對佢來講係無價寶,唔捨得賣畀人喎。

  Kelly從TVB老友口中八卦到,港姐冠軍后冠價值不菲!以一九九五年楊婉儀奪冠嗰屆,佢得到嘅金鑽后冠、權仗、袍扣係由榮興國際集團贊助,總值成一百二十三萬港元,真係唔簡單!單以后冠嚟講,以十八K白金打造,鑲上天然美鑽,好閃好閃,令人眼前一亮!

  小妹又從上環Select 18舊物專門店老闆Mido口中得知,原來好多人迷港姐相關物品,好似歷屆港姐嘅場刊,好多人搵嚟收藏。至於Mido哥嘅私人珍藏,就係由一間已結業藤器廠造嘅「鳳尾椅」,聽Mido講係第一屆港姐冠軍嘅寶座款,又被稱為「香港小姐椅」,O依家好罕見,呢張椅喺外國亦好出名,因為法國艷星艾曼妞出嘅幾張唱片,都係坐喺呢張椅上拍嘅。究竟呢張碩果僅存嘅椅值幾錢?Mido話,有心人可以出吓價,但佢係唔捨得賣㗎喎。

Kelly Chu

hd