Executive日記——阿姐都撐「綠」 落單走飲管

  「走塑」成為潮流,好似昨日香港海洋公園保育基金就率先宣佈推行「無飲管運動」,逾八百三十間餐廳同學校支持參與。Kelly留意到,連快餐店阿姐落單都應市民要求寫「走飲管」。

  譬如美心MX,昨日就喺facebook宣佈今個月逢星期三會舉行「無飲管日」。至於香港上海大酒店就宣佈,由十一月一日開始,全球業務均會停止供應膠飲管,並只會喺客人要求下提供可持續紙品質素標準嘅紙飲管代替;香港半島酒店、淺水灣綜合項目、山頂凌霄閣及聖約翰大廈都係集團旗下物業,日後去食tea都未必會見到塑膠飲管喇!

  消息一傳出,唔少網民都讚好。小妹留意到有人喺facebook群組「搞走塑」分享話,去到快餐店食嘢嗌走飲管,收銀姐姐聽到係走飲管之後笑咗笑,手寫「走飲管」落單;有網民留言話幫襯過同一間店,成功「走(膠)匙」O添!

Kelly Chu

hd