Executive日記——斑點鷹鯆Twins 年底亮相海洋公園

        海洋公園有新成員,一對斑點鷹鯆BB滿五個月大,將於年底公開亮相!○九年嗰陣,海洋公園喺鹿兒島入咗三條鷹鯆,兩男一女,依家約十歲,其中一隻雌性鷹鯆懷胎八個月,喺今年一月六日誕下兩隻鷹鯆寶寶,係龍鳳胎,男叫波波;女叫點點,非常趣致!

        波波同點點眼仔碌碌,細細條,好精靈!海洋公園助理水族員張雅靜話畀Kelly知,佢咁大個女都係第一次親眼見到咁細隻嘅斑點鷹鯆,好開心咁話喎!佢哋一啲都唔揀飲擇食,貝殼類、魷魚同魚類樣樣都食,真係好叻呀!張雅靜又話,o依家波波點點需要接受護理訓練,以鞏固同護理員之間嘅互信關係,預計佢哋年尾,會喺海洋奇觀展區同大家見面,真係令人好期待呀!

Kelly Chu

hd