Executive日記——投資移民日本有辦法

  日本係唔少香港人第二個鄉下,Kelly都諗過買個細單位,得閒住吓玩吓,原來移民日本都唔係好困難!律師相澤健分享,日本自一二年起放寬移民,港人只需以五百萬日圓(港幣約三十五萬元)開公司,即可憑「經營‧管理」簽證居留一年;每年營業額達標即可申請續簽,住滿十年仲可以申請「永住權」。

  日本置業專家石天龍(見圖)留意到,港人喺大阪買酒店收租作生意移民的個案攀升。佢解釋,大阪樓價平、回報高,可以話性價比高,加上交通方便,可以話係首選。佢仲提到,一五年底有逾二百二十三萬名居日外國人,數字創新高;持「經營‧管理」簽證居留嘅就有一萬八千人,有興趣去日本發展嘅朋友不妨留意吓!

Kelly Chu

hd