Executive日記——明星警犬調區 同袍大合照送別

        九龍城警區近日出現咗一次好罕有嘅聚會,資深警務人員同三隻明星狗一齊聯歡,唔知咩事呢?原來有同袍退休,加上有一隻女警犬Icy就快調去其他警區,大家都對佢依依不捨,拍照留念。Kelly留意到,以往警處嘅合照,警犬慣常企埋一邊,今次趴底並喺人前面,反映警員好重視警犬嘅貢獻。

        小妹知道,警犬Icy就快調去另一個警區做嘢,佢平時負責巡邏、搜車、緝毒工作,盡忠職守,仲會喺小朋友參觀九龍城警處嘅時候,表演娛賓,人見人愛。對於Icy今次調區,好多警務人員都話唔捨得。

  警務人員每次同警犬合照,都安排警犬企喺側邊,而今次嘅聚會特別安排三隻女警犬(左起)Shadow、Icy同Demi趴喺前排影相,原來係向三隻盡忠職守嘅警犬致敬,仲表達警隊同市民一樣,係好重視動物㗎。

  據Kelly所知,多位資深警務人員同Icy共事多年,臨別依依,希望Icy調區後快啲適應新工作環境,同識到班新朋友仔,繼續服務市民!

Kelly Chu

hd