Executive日記——響應「減廢大挑機」 鳴煒分享「走塑」法寶

  「勿做大嘥鬼」講咗好幾年,係時候身體力行喇!好似環境局同環保署最近推出嘅「減廢大挑機」咁,就吸引到唔少名人,好似青年發展委員會副主席劉鳴煒、天文台台長岑智明等人參與,齊齊喺facebook分享日常減廢法寶,好有教育意義!

  要環保,當然要學識「走塑」,連男神劉鳴煒都係咁話!Kelly發現,佢最近響應咗環境局局長黃錦星發出嘅「減廢大挑機」,post咗張拎住個自家杯嘅靚仔相,話要減廢減塑,養成走塑即棄習慣!連天文台台長岑智明亦有參加,話佢office除咗酷熱天氣之外,係唔開冷氣嘅,昨日天氣稍涼,就連電風扇都唔使開,一於節能減費咁話,夠晒環保!另外立法會議員梁繼昌、莫乃光、藝人滕麗名等都有出帖參加,分享各式各樣嘅減廢法寶,Kelly好欣賞!

Kelly Chu

hd