Executive日記——法國舊截圖當泰洞穴 傳媒跟太貼 集體「炒車」

  幾時都話要注意安全,切勿「跟車太貼」,唔止講過馬路,睇新聞同樣適用!泰國被困山洞個十三名少年足球隊成員同教練,連日來傳出好消息,Kelly聽到當然開心。不過有唔少媒體為咗緊貼消息,疑似過火,錯誤將七年前法國救援隊嘅演習影片截圖,當作今次泰國拯救行動嘅相片報道,最終不幸集體「炒車」。

  泰國少足隊今次意外,全球關注,唔少媒體都爭相報道第一手消息,好似前日就有唔少報道話,班少年係包喺大型防水塑膠袋裏,再由潛水人員帶出嚟,仲以「怪不得這麼快 少年是這樣獲救的」為題吸引讀者;結果被眼利網民發現,批相原來係二○一○年,一段法國救援隊進行洞穴救援演習嘅影片截圖。Kelly仲知道,今次被救嘅少年其實係被兩個潛水員一前一後護送,加埋沿路繩索引路潛水出嚟至真!

Kelly Chu


hd