Executive日記——醫師教人學少足 打坐可捱過難關

        被困喺地洞嘅泰國少足隊成員,正分批被救出,過程觸動人心,Kelly聽聞,呢十二個少年人同教練喺地底捱過十多日,原來多得教練教各人打坐。有打坐愛好者話畀小妹聽,打坐好神奇,即使斷水斷糧多日,身體都可以捱得住。

        泰足少年隊教練身世奇特,佢曾因為失去雙親,被人送咗去寺廟出家當和尚,其間學打坐。有泰國傳媒仲話,十二個少足隊成員被困地洞兩個星期,無食物都可以撐到救援人員到來,教練功不可沒,原來佢教各人打坐,原來打坐唔單止可以保留身體能量,仲可以令人內心平靜,洞穴內環境惡劣,但打坐就維持各人嘅身心狀態。

  本身係中醫師、教開打坐嘅袁康就博士話畀Kelly知,打坐好神奇,如果掌握到打坐嘅竅門,即使斷糧同缺水,捱過十日唔係問題!平時亦熱愛禪修打坐嘅林國輝律師都話,美國哈佛大學有研究證明打坐可以減低焦慮,可以幫到泰足少年克服喺洞穴內嘅恐懼。小妹見到泰國少足隊陸陸續續返回地面,覺得好欣慰,希望佢哋以後平安,仲要繼續打坐。

Kelly Chu

hd