Executive日記——《頭條》專欄作家著作威水

  書展快到啦,又係買好書嘅時機!Kelly平時鍾意睇書,知道《頭條》專欄作家方舒眉最近獲得殊榮,佢嘅著作《趣味學中國歷史》得到第十五屆「十本好讀」嘅兩項獎項。呢本書簡單易讀,用深入淺出嘅方式講述歷史故事,Kelly睇過都覺得好有趣!

  《趣味學中國歷史》獲選為「小學生最愛書籍」同小學組「教師推薦好讀」,Kelly知道「十本好讀」接受學界投票,由學生、教師一人一票選出,得獎者都實至名歸!書入面選取咗一百個由三皇五代至明清時代嘅歷史故事,配以漫畫家馬星原嘅精美插圖,易讀又易明!方舒眉同小妹講,好開心得獎,寫呢本書最困難係要將艱澀嘅史實用簡潔文字表達,真係唔容易!

Kelly Chu


hd