Executive日記——世盃爭霸者 身價億億聲

        今個星期日世界盃總決賽法國對戰克羅地亞,星光唔太耀眼,好多球迷將焦點放喺法國十九歲球星麥巴比同克羅地亞嘅關鍵人物莫迪歷身上!其實兩人身價都億億聲㗎。

        法國前鋒、十九歲嘅基利安·麥巴比,年紀輕輕,身價高達十七億四千萬港元,唔單止球技了得,仲好有善心!代表國家隊比賽,麥巴比話可以唔要報酬,仲應承捐出世界盃贏得嘅獎金作慈善用途。咁有愛心嘅球員,要成為一班貴價球星嘅接班人,絕對當之無愧呀!

  同樣身價上億元嘅克羅地亞足球員盧卡·莫迪歷,一直被喻為國家隊嘅關鍵球員,佢嘅球技甚至被評為現役克羅地亞最好嘅一位!但球評家朋友話畀Kelly知,克羅地亞係靠整體實力,佢哋場場都踢足一百二十分鐘㗎,真係好堅!

  今屆世界盃所有身價高嘅足球員都已經出晒局,所以嚟緊決賽絕對係球隊之間嘅實力比併,而非單憑個人力量取勝!

Kelly Chu


hd