Executive日記——港跳繩隊世界賽贏88獎牌

  Kelly近年多咗留意香港嘅跳繩運動員,因為佢哋參與不同嘅賽事都屢奪殊榮啊!小妹收到風,佢哋喺上海舉行嘅「第十二屆世界跳繩錦標賽二○一八」奪得佳績!香港跳繩隊同來自世界各地超過二十二個國家嘅跳繩精英一決高下,最終攞咗八十八面獎牌,突破上屆賽事七十九面獎牌嘅紀錄,真係好勁!

  港隊更歷史性包辦男子組十五歲或以上組別團體及個人項目總成績三甲位置,打破歐美國家主導嘅局面!男子組代表劉盼晞好興奮咁話:「是次發揮預期水準,證明了過去付出的汗水並沒白費,只要肯努力定能夢想成真。」Kelly覺得好熱血,希望佢哋可以繼續為香港爭光!

Kelly Chu

hd