Executive日記——回應懷孕傳聞 為愛妻擋駕 容海恩出閣 新郎預告有料到!?

  新民黨昨天喜上加喜,黨立法會議員容海恩同黨政策總裁袁彌昌拉埋天窗,喺尖沙咀半島酒店筵開四席,招待親友。由於有傳新娘子懷孕,新郎哥被記者問到幾時做老竇時,好有技巧咁回應話:「呢啲有好消息會話畀大家聽,我哋都想可以咁樣(有BB)。」好似預告有料到咁。

  海恩媽咪昨天中午由姊妹、工聯會立法會議員麥美娟陪同,率先與傳媒見面,佢坦言女兒出閣,自己心情緊張但好開心,話非常滿意袁彌昌,大讚佢係「101分女婿」,但不知女兒是否懷孕。

  海恩BB其後同老公袁彌昌一同見記者,佢穿上全白婚紗同高跟鞋,喺落樓梯時,袁彌昌細心拖着老婆手仔。海恩BB被問到出嫁心情,佢話結婚有很多籌備工作,好忙碌。袁補充話:「搞咗一段時間。」海恩BB不忘讚老公「對我好好」,又話:「最緊要一路都咁好」。袁彌昌回應老婆,大讚佢係「Right Choice」、「Best Chocie」,海恩BB即時笑得好甜,sweet爆。

  新娘子是否懷孕,始終係傳媒嘅關注,袁就替老婆回應提問,「呢啲有好消息會話畀大家聽,我哋都想可以咁樣(有BB)。」Kelly祝兩人早生貴子,有一個圓滿嘅家。

Kelly Chu


hd