Executive日記——袁彌昌為追海恩BB入黨 親友讚葉劉係大媒人

  新民黨主席葉劉淑儀替黨內一對新人開心之餘,仲喺社交平台爆料,佢引述海恩BB話,原來袁彌昌係為咗追求佢先加入新民黨!仲話兩人雖然只係相識一年多,卻甚有緣份,走在一起時好投契,終於修成正果咁話。

  葉劉仲引述袁彌昌喺婚宴上發言,話佢先感謝外父外母將一個如花似玉嘅乖女兒許配給他,然後竟然感謝葉劉,話:「多謝葉太,她兩次改變了我的人生方向。」原來袁所指嘅「第一次」係加入新民黨,而「第二次」就係結識海恩BB,佢仲自問多年來尋尋覓覓,如今成家立室,終於找到人生嘅真正方向喎。

  場面好溫馨,在場眾人起哄說葉劉係呢頭婚事的「大媒人」,建議一對新人也要向葉劉斟「新抱茶」,令葉劉受寵若驚,話愧不敢當喎。

Kelly Chu




hd