Executive日記——網民鬧爆影衰港人 港女遊日扮大肚打尖仲認叻

  香港人成日笑內地人唔守規矩,鍾意打尖,但一名港女昨天就喺社交平台話自己扮大肚,喺日本機場成功插隊,洋洋得意,點知俾網民鬧爆佢影衰港人。

  為咗方便,一名港媽竟出「絕招」扮大肚?呢名港媽喺其社交網站炫耀,話自己與女兒日前喺關西機場回港時,見到機場「打晒蛇餅」,由於自己肥,心生一計,即時假扮懷孕,成功插隊,貼文旋即引來網民怒轟。

  呢名港媽在貼文中話,日本關西機場的安檢電腦發生故障,機場塞滿約幾千名等候過關嘅旅客。為免要排隊逾兩小時,她就出咗條橋「我當然用女人最好嘅一個招數,扮大肚攞priority pass(優先證)」。她向地勤人員訛稱自己懷有三個月身孕:「好彩我未減肥咋,仲有個肚腩仔凸凸哋…又俾我過到骨」、「突然間覺得我肥得好可愛好有用」。不少人批評該港媽「唔知醜」,有人斥佢做咗最壞嘅身教,教壞個女。

Kelly Chu


hd