Executive日記——好心司機送還背囊 阿涂乖仔失而復得

  O依家喺暑假外遊高峰期,立法會議員涂謹申一家三口昨天就上郵輪展開九天日本之旅,唔知係咪高興得滯,囝囝信之竟然留咗個背囊仔喺的士上,好在的士司機認得涂議員,背囊仔失而復得。

  阿涂同Kelly講,坐的士到咗郵輪碼頭後,佢攞住大件行李上船,太太同信之一齊,上到船就接到辦事處同事電話,話個司機將佢個仔嘅背囊仔送咗去辦事處,先知個仔唔小心留低咗,好在入面只係有水樽仔同風扇仔,而個司機又認得佢,真係好人。阿涂話,個司機仲好到話送去郵輪碼頭,奈何佢哋上咗船,不能回頭,但就多謝晒個好心司機咁話喎。

Kelly Chu


hd