Executive日記——幾個膠袋就搞掂 環保又實用 DIY窗門防滲水 颱風殺到唔使驚

  超強颱風「山竹」來勢洶洶,大家周日最好留喺屋企,做好防風措施,Kelly每次打風,都DIY窗門防滲水,只要循環再用幾個膠袋就掂,既實用又支持環保。

  超級颱風「山竹」料周日殺到,全城高度戒備,由於風力猛,容易將大雨逼過窗邊,造成滲水,面對呢個問題,有乜解求方法?有見及此,Kelly教大家用膠袋防滲水大法,等小妺做個小小實驗。

  首先,Kelly將一個膠袋或薄膠片,甚至用保鮮袋都得,先拉平,放喺窗框底邊,一半喺窗內,一半喺窗外。然後把窗門關上鎖好,其原理喺利用「攝喺」窗框同窗之間嘅膠袋,阻止雨水因壓力而滲漏入屋,仲有啲雨水打落窗外嗰邊嘅膠袋會順住流落街,唔會漏入窗內屋企,真係簡單丶易做,百試百靈!大家記住,用完個膠袋唔好丟掉,再用多幾次,盡量環保。

Kelly Chu


hd