Executive日記——美食沙漠現清泉 KFC女神坐鎮 引少男日日食雞

  有「美食沙漠」之稱嘅馬鞍山,最近區內嘅家鄉雞竟然被一眾男食客形容為「清泉」!原來有網民喺社交媒體上載一張相,係喺馬鞍山新港城嘅家鄉雞店有個美麗嘅女店員,唔少男網民被吸引,日日去食雞!

  近日有網民喺社交媒體表示,終於明白點解馬鞍山KFC日日排晒長龍,原來有個靚女店員!張相裏面有個疑似KFC經理嘅靚女店員,好專心咁為客人準備食物。張相短短上載幾日,引發網民熱議,大讚佢「可愛」、「女神」,更加指佢就係KFC日日排長龍嘅「幕後黑手」!不過,有啲網民話其實KFC一向都排長龍、諷偷拍者「前世未見過女人咩」。

  另外,亦有網民創意改圖,改咗電視新聞截圖,「善心」呼籲話,咁多位已婚男士唔好掛住去KFC望女仔,要記得返屋企!Kelly就奉勸男士,邊食炸雞邊睇靚女,咁熱氣,記得要飲涼茶下火呀!

Kelly Chu


hd