Executive日記——嘉士伯「走塑」新技術 啤酒罐黐埋一齊

  潮流興「走塑」,連啤酒都加入埋「走塑」行列!Kelly好多朋友鍾意飲啤酒,佢哋真係一Pack Pack咁買返屋企,但係有冇諗過套住啤酒罐嘅塑膠拉環好唔環保?Kelly聽講啤酒商嘉士伯將會推出「Snap Pack」嘅新技術,用類似「香口膠」嘅膠質材料將啤酒罐黏連埋一齊,而呢種新技術可以每年減少塑膠嘅浪費超過一千二百噸!相當於減少使用六千萬個膠袋咁多㗎!比起傳統塑膠拉環減少咗高達七成六嘅塑膠。

  嘉士伯首席執行官Cees’t Hart(郝瀚思,見圖)話:「我哋期待給予我哋嘅消費者更多更好嘅啤酒體驗,同時減少對於環境嘅影響。」嘉士伯仲冇為呢個技術申請專利,原因係想其他啤酒商都加入「走塑」行列,通過聯手合作應用更加可持續嘅方案。為保護地球行多一步,真係好抵讚!

Kelly Chu

hd