Executive日記——進駐美酒佳餚巡禮 萌爆卡通甜點迪士尼迷必食

        甜品要用第二個胃消化,所以多多益善,呢句說話Kelly好贊成!喺十月尾嘅美酒佳餚巡禮,除咗美酒同米芝連美食,當然仲要盡情食甜品啦,今屆巡禮仲吸引咗香港迪士尼樂園首次設攤檔,提供一啲迪士尼公仔形狀嘅中、西式甜品,色香味俱全,仲可以打個靚卡,迪士尼迷絕對不容錯過。

        今年係迪士尼第一年參加由旅發局主辦嘅「建行(亞洲)香港美酒佳餚巡禮2018」,佢哋專登將迪士尼度假區入面最受歡迎同極具迪士尼特色嘅中、西式甜品帶到中環海濱,包括以迪士尼朋友同彼思人物為主題嘅「迪士尼魔法點心」;外形精緻、色香味俱全嘅「華特三重奏」;同埋造型可愛、酸酸甜甜嘅「米奇廚房甜品薈」。款款造型都咁靚,啱曬鍾意「相機食先」嘅Kelly。

  迪士尼嘅攤檔叫「Mickey’s Kitchen」,近金鐘入口,Kelly一位迪士尼朋友話攤檔嘅外型好有創意同特色,一眼就見到,但就唔肯透露有咩咁特別,保持神秘感咁話,大家到時自己發掘啦!

Kelly Chu


hd