Executive日記——紅十字會急撥20萬救助印尼災民

  天災無情,人間有情!上月尾印尼蘇拉威西島中部發生多次強烈地震並引發海嘯,造成逾千人死亡。香港紅十字會已經喺月頭緊急撥款二十萬港元支援國際紅十字會和印度紅十字會喺當地嘅救援工作,當中包括搜救、急救及醫療服務,同為災民提供食水、食物、屍袋、毛毯、睡墊等物資。

  今次災難造成大量民眾流離失所,佢哋唔單止失去家園同家人,有啲更出現創傷後遺症,需要與家人聯絡嘅援助及心理支援服務。

  因此,香港紅十字會作出緊急呼籲,希望市民慷慨捐款。所得善款將會作為早前受印尼龍目島地震及蘇拉威西島海嘯影響嘅人士提供搜救、災後恢復重建或備災等援助。市民可致電二八○二○○一六查詢捐款詳情。

Kelly Chu


hd