Executive日記——用樓梯機助殘疾人拜山 義工抵讚

  重陽節就到,對傷殘人士,上山拜祭,唔係一件易事,事關去墓地要上落幾十至幾百級樓梯!聖雅各福群會有班義工就好有心,協助殘疾人士祭祀先人,當中個故事睇到Kelly好感動。

  七十歲嘅李伯伯自幼同哥哥喺孤兒院相依為命,感情深厚,二人到中年分別患上眼疾同因意外需要截肢,但不離不棄,互相照顧對方,可惜哥哥因喉癌過世。

  十年以來,李伯伯因單肢殘障坐輪椅,無法爬上長樓梯拜祭哥哥,令佢耿耿於懷。聖雅各福群知道之後,派出義工,協助李伯伯坐上由專人操作嘅樓梯機,一圓佢心願。李伯伯好感動義工幫忙,面對哥哥墓碑亦好激動,Kelly好感動,好感激一眾義工幫忙。

Kelly Chu

hd