Executive日記——林超英希望填海按部就班 「唔想人工島變悲情城市」

  關心時事嘅前天文台台長林超英(圖),經常對政府政策有微言,佢對林鄭喺《施政報告》提出嘅「明日大嶼」計劃也不例外。佢話,最好唔好起人工島,但如果真係要起,就應按部就班,佢喺網誌上提出幾項建議,主要係人工島將會面對氣候變化嘅風險,全球政治經濟形勢突變,故此佢建議政府必須分階段填海,唔可以一步到位,又要謹慎評估財政負擔,認真做好環境及氣候方面嘅評估,「先保育,後破壞」。另外,人工島係一個冇「靈魂」嘅地方,政府要諗辦法避免重蹈天水圍「悲情城市」嘅覆轍。

  佢又認為喺氣候變化嘅研究方面,政府應該要重用香港天文台,而唔係外判畀工程顧問,因為佢哋唔係呢方面嘅專家,容易犯錯,照單全收會變成「盲人領着盲人走」嘅情況。

Kelly Chu


hd