Executive日記——年輕人 口碑榜亞軍 麥記緊貼潮流 獲後生仔支持

        未來係年輕人嘅世界,好多企業花心爭取年輕消費群嘅支持,Kelly知道麥當勞喺呢方面做得好好,一項調查更發現,佢哋成為年輕人中最有口碑的品牌嘅第二位,企業傳訊高級總監林婉梅同Kelly講,係因為麥當勞一向重用年輕人,了解佢哋,推出好多緊貼潮流嘅策略。

        YouGov「Milliennial WOM2018」調查發現,喺去年九月一日至今年八月三十一日訪問咗十 八至三十四歲嘅本港年輕人,喺過去兩周與親友正面談及嘅品牌,麥當勞排名第二,係排名最高嘅餐飲品牌,相當有口碑!

  Kelly問林婉梅麥當勞以乜方法爭取年輕人支持,佢話,公司明白年輕人喜歡新鮮感,生活緊貼科技,喺推廣策略上緊貼潮流。例如上年推出EotF概念,提供互動點餐機、充電站、麥當勞app等電子設施;又與人氣明星合作,例如容祖兒、張敬軒等,為顧客製造驚喜之 餘又迎合佢哋口味;仲不時推新產品或期間限定產品,最近食住虎紋熱潮,推「McCafé X Vitasoy虎紋紅豆抹茶系列」,甜品站有脆皮朱古力新地,Kelly見到成日排長龍,就知幾受歡迎!

  麥當勞相當信任及重用年輕人,林婉梅話麥當勞係全港最大嘅年輕人僱主之一,二十歲以下嘅員工佔團隊最大比例,達三成九。佢哋上年推出首個工作假期計劃,滿足員工嘅心願。唔講唔知,最近引起話題嘅麥當勞無飲管星期一原來係年輕員工提出,高層好buy,結果大受客人歡迎。

Kelly Chu


hd