Executive日記——情侶甜蜜練習 衝刺「迪士尼跑」

        各位迪士尼同彼思動畫嘅粉絲係時候出動喇!第三屆迪士尼跑步活動「香港迪士尼樂園10K」將會喺呢個周末周日舉行。Kelly聽講有一對即將結婚嘅情侶密鑼緊鼓咁練習,攜手衝向愛情終點。

        今年「香港迪士尼樂園10K Weekend 2018 - AIA Vitality健康程式全力支持」以迪士尼.彼思動畫為主題,分別設有「超人特工隊十公里跑」、「怪獸大學五公里跑」、「反斗奇兵三公里跑」以及「米奇與好友兒童跑」,重點係跑手可以換上迪士尼.彼思主題嘅打扮,而跑步期間仲有可能會見到卡通角色添。

  Jim同Jackie打算喺明年初結婚,諗住做一件之前未做過嘅事,於是報名參加十公里跑。Jim話佢哋近三個月每周都抽一晚一齊練跑,keep fit之餘又爭取時間拍拖。而身為OL嘅Jackie平時好少做運動,但就唔擔心自己未能完成賽事:「迪士尼跑步活動都較為輕鬆,我冇咩跑步經驗,可以喺度假區優美嘅環境下跑步,沿途有多個迪士尼.彼思嘅角色和人物現身,為跑手打氣,甚至可以拍照,賽程及心態上都係傾向輕鬆愉快為主,享受跑步嘅樂趣。」

  跑十公里一啲都唔容易,一定要做足準備,Kelly問咗浸會大學體育及運動學系副教授雷雄德博士(圖),佢話起碼要喺比賽前三至四星期,進行跑步及體能練習,而冇運動習慣嘅中年人士,更加要提早一個月準備。裝備方面,佢提醒大家千祈唔好着新鞋,容易起水泡。

Kelly Chu


hd