Executive日記——海港城品味派對 美酒佳餚Sunset Cheers

        各位識飲識食嘅讀者,Kelly又有好嘢介紹畀大家!海港城喺今日至星期日舉行「Sunset Cheers」品味派對,大家只要購買品味通行證,就可以換領指定特色罐頭一罐及飲品三杯,望住維港美景歎美酒佳餚簡直一流。

        海港城「Sunset Cheers」品味派對活動喺十月十九至十一月四日逢星期五至日,喺海運大廈三階及「海運觀點」舉行,即係今個星期日就完結。想參加派對嘅朋友,只需購買價值港幣一百或一百五十元嘅品味通行證就可以換領一罐特色罐頭及飲品三杯。

  美味罐頭選擇多多,例如西班牙的蟶子、青口,日本嘅海膽、蠔,法國嘅橄欖油浸沙甸魚,葡萄牙吞拿魚柳,丹麥鱈魚魚肝,仲有MR.KANSO罐頭,經常沽清嘅玉子蛋、章魚丸等等,絕對唔可以錯過。美酒方面就有型男侍應及調酒師為大家調製個人口味嘅白酒、日本酒、雞尾酒或無酒精雞尾酒。

  一路食住美食,飲住美酒,一路望住維港嘅迷人日落,真係好浪漫。Kelly已經約定朋友,捉住「Sunset Cheers」嘅尾巴喇!

Kelly Chu


hd