Executive日記——風水師:農曆九月運氣損耗有劫數 今年多名人仙逝內有玄機?

  今年辭世嘅名人特別多,饒宗頤、劉以鬯、高錕、岳華、鄒文懷同埋最近嘅金庸,究竟係巧合定係背後有玄機呢?風水命理師區仲德博士同Kelly講話今年係戊戌年,農曆九月又係戌月,會出現俗稱「火山爆發」嘅情況,而「木」便首當其衝,因此多文人去世。

  區師傅指今年係戊戌年,五行中嘅火、土都極旺,尤其農曆九月適逢戌月,屬狗,兩戌相遇正如兩狗相鬥,會出現俗稱「火山爆發」嘅情況,導致「土」更旺,然而土克水,土多埋金,土多火晦,土多木折,因此不論屬金、木、水、火嘅人,到九月運氣都會有所損耗,係正常嘅劫數。而且戌月土茂,人瘁逝嘅機會增加,故多人去世。

  然而,今年尤多文人學者辭世,包括國學大師饒宗頤、著名作家劉以鬯、「光纖之父」前中大校長高錕、武俠小說泰斗金庸,又是否早有命理?區師傅話文人屬教育行業,而教育喺五行之中屬木,「火山爆發」樹木便首當其衝,即使堅挺如「百年樹人」,都容易折斷,所以咁多年紀老邁嘅文人大家喺今年仙逝。

  咁呢個情況會急轉直下定係另有轉機?區師傅表示,否極泰來,變化便會迎來新環境,雖然短時間內未有轉機,但二〇二二年係水土年、虎年,端木,到時相信會有好嘅收穫,尤其是文化界可以大放異彩,大家可以期待一下。

Kelly Chu


hd