Executive日記——初版《神鵰俠侶》今拍賣 金庸迷咪走寶!

  金庸逝世後,不少書迷想重溫番佢嘅武俠小說,Kelly收到消息,一家拍賣行今午將會拍賣全套共二十八集嘅初版《神鵰俠侶》,呢套書喺六十年代由香港鄺拾記報局出版,非常罕見,第二、三版就較多。而且,以前並非一次出晒成套,而係一本一本咁出,要集齊全套更加係難上加難,可見呢套《神鵰俠侶》有幾珍貴!

  普藝拍賣行同Kelly講,呢套書係貨主年輕時儲落,o依家年紀大,傳畀下一代又驚佢哋唔識珍惜,所以決定拎出嚟拍賣,傳畀同樣係鍾意睇金庸武俠小說嘅有心人,等呢套書可以傳承落去。呢套《神鵰俠侶》底價係八千元,唔知最終可以拍到咩價錢呢?不過Kelly就覺得價錢只係其次,金庸先生嘅俠義精神得以傳承先係最重要。

Kelly Chu


hd