Executive日記——續寫中文句子 學生答案笑爆嘴

  「夕陽無限好」下一句係咩?相信好多人都知係「只是近黃昏」。但有學生畀出創意答案,佢喺facebook專頁「名校Secrets」發帖話中文老師畀一份功課佢哋,要求續寫句子,樓主開頭以為係小學生功課,但望落唔似要寫對聯,上網又搵唔到標準答案,而老師又冇話唔可以自己創作,於是答咗創意答案,相當搞笑。

  「頭可斷、血可流」下面樓主續寫「靚女不可不追求」;「相嗌唔好口」下答「夠薑就隻揪」;「天地有正氣」配「無錢無天理」;而「夕陽無限好」下句樓主就答「瞓覺就趁早」。

  網民紛紛表示好搞笑,仲話「想睇老師點評你」,又有人認為樓主文采好「文學獎仲唔係你」、「未來社會棟樑」。

Kelly Chu

hd