Executive日記——各界領袖迪士尼跑為慈善出力

  「嗶」,哨子聲一響,起跑線上嘅選手全力衝刺,Kelly講緊一班各界領袖人物,早前齊齊參加第三屆香港迪士尼樂園10K跑嘅「領袖三公里跑」,機管局財務總監羅志聰(下圖)、醫管局行政總裁梁柏賢(上圖)等都跑得好開心,梁柏賢仲經常拎起手機自拍,雖然佢平時唔係成日跑步,但跑得相當唔錯,只係用咗十五分鐘左右就完成賽事。

  作為主禮嘉賓嘅食衞局局長陳肇始話:「衷心感謝香港迪士尼將今次10K跑將部份收益捐贈畀東華三院何玉清教育心理服務中心,為有特殊學習需要嘅兒童及青少年提供訓練計劃,令呢個活動更添關愛及別具意義。」今次跑步活動吸引超過一萬三千人參加,破咗過往紀錄。

Kelly Chu

hd