Executive日記——訪京團小小超代父參加

  特首林鄭最近做咗「空中飛人」,頻頻外訪,繼出訪日本後,本周日又率領逾百人嘅訪京團,預料會獲國家主席習近平接見。

  Kelly收到風話一眾「大孖沙」會派家族第二代參加,例如長和系就由小小超李澤楷代表。林鄭周日會率領逾百人嘅訪問團先訪深圳,再上北京,預計下周一獲國家主席習近平接見。大部份率先投資內地嘅港商「大孖沙」例如長和系、恒基、新世界等都會派第二代成員參加,例如長和系隨着「超人」李嘉誠同「小超人」李澤鉅坐鎮香港,就由「小小超」李澤楷(小圖)做代表。另外「玩具大王」林亮、全國政協常委唐英年、旅發局主席林建岳等,都係訪京團嘅成員。

  另外,Kelly昨日去中環食飯,喺置地廣場撞到前政協常委陳永棋,佢話佢啱啱同一班高官飲完茶,透露佢亦都會參加訪京團咁話喎。

Kelly Chu




hd