Executive日記——信興「未來生活展」智能鏡聽歌睇天氣

        隨著科技發達,未來生活,充滿可能性。信興集團明日起一連四日喺灣仔會展舉辦「未來生活展」,展示好多新科技產品,例如「智能鏡」,照鏡順便聽歌睇天氣,一舉三得,睇嚟未來生活會變得方便又有趣。

        適逢今年係信興集團成立六十五周年暨Panasonic成立一百周年,信興集團將於十一月七至十日一連四日喺會展中心舉行「未來生活展」,展覽主要分為四個展區,分別係「傳承.有信則興」、「智能.創意空間」、「未來.新生活」和「互動體驗」。

  展覽展出多款科技產品,例如「手勢遙控智能鏡」,集檢測健康,提供資訊娛樂,如新聞、天氣報告、音樂於一身;「新一代車廂空間」,融合人臉識別、照明、感應及通訊眾多創新技術,又設有「吊船4D體驗」,畀大家體驗一吓險象環生嘅高空工作。

  對未來生活充滿好奇嘅Kelly已經約咗朋友一齊去,大家都唔好錯過啊!

Kelly Chu


hd