Executive日記——「猴擒叔」徒手攀倚天壁

  有男子化身蜘蛛俠,徒手攀登倚天壁!前日有網民喺社交平台上載一段短片,顯示有一名身穿藍衣黑褲嘅中年男子徒手攀爬飛鵝山倚天壁,其間冇配戴任何安全設備,途中更一度「腳震」,進退兩難,最後有人從上方拋下繩索,助佢成功登頂。該網民以「猴擒叔」形容片中男子,話佢好似「猴子擒樹」,睇見都牙煙,仲話有位大媽取笑人落繩,而男子出於面子,只能頂硬上。

  帖子隨即引來網民熱議,紛紛予以譴責:「連攀石鞋都冇,仲要濕濕哋,佢真係膽生毛」、「係咪脫離咗行山玩樂,強身健體嘅道理」。Kelly覺得,無論做咩運動都要安全至上,唔好玩命啊!

Kelly Chu


hd