Executive日記——「任何仁」蒲頭 粉碎DQ傳言

  消防處吉祥物「任何仁」,俘虜萬千「仁粉」嘅心!人紅自然是非多,有傳媒竟然話「任何仁」太過搶鏡,禁止再以真人飾演,令好多人擔心佢會被「DQ」。不過,謠言止於老細,消防處高層大派定心丸,話團隊對「任何仁」嘅成功感到好開心。「任何仁」好風騷咁「報平安」,仲話「老細都唔知幾玩得。」

  「任何仁」在社交平台洗版,有人讚消防處夠創意,但有傳媒話佢會在「人間消失」,搞到消防處派出區長黃宏亮昨早喺電台節目解畫,強調「任何仁」真人版不會被「DQ」,更透露團隊對佢爆紅感到十分開心,而高層對宣傳片的創作亦給予大量空間。

  「任何仁」其後喺消防處fb發心情帖文,話自己呢排做到好攰,瞓到好晏啱啱先起身,又問大家「唔知發生乜事?」又網民回應「平安就好喇」!仲話「點解我冇內部消息嘅」,跟住話「絕無此事」。「任何仁」紅遍網絡,好多人抽水。有人着成佢個樣,係消防局門前擺超人pose,成功呃like。

Kelly Chu


hd