Executive日記——信興未來生活展登場 智能產品好有創意

  今年係信興集團成立六十五周年,佢哋代理嘅Panasonic亦創業一百年,兩者聯手炮製「未來生活展」,由即日起至呢個月十日喺灣仔會展行,免費入場。Kelly去睇過,展出好多智能新電器,好似一款偵測器,可以知道分體式冷氣機外掛部份出咗乜問題,減少搭棚及維修等開支,真係好啱香港人用。

  「未來生活展」昨日舉辦開幕禮,吸引來自政、商、社福等近四百位嘉賓出席,主禮嘉賓包括信興集團主席兼行政總裁蒙德揚,創科局局長楊偉雄等官員亦到賀場面熱鬧。展館分咗四個大主題區,分別「傳承‧有信則興」、「智能‧創意空間」、「未來‧新生活」同「互動體驗」。其中展區「未來‧新生活」,介紹嘅智能空調技術,好吸引。用家可以透過安裝偵測器,清楚知道分體式冷氣機外掛部份嘅問題所在,減少搭棚及維修等開支。

  而「互動體驗」展區,設有香港首次亮相、融合先進技術嘅EMS健身訓練中心,示範人員穿上全新訓練衣,用十八部電腦裝置對準九個部位,鍛煉全身肌肉,Kelly相信運動愛好者一定 好鐘意!

Kelly Chu


hd