Executive日記——出席世界互聯網大會 財爺同港代表茶聚

  財爺陳茂波去咗內地一個古鎮,出席第五屆世界互聯網大會,Kelly見佢喺當地嘅相片,會場外就充滿濃濃嘅水鄉風情,環境優美,估唔到係中國互聯網發展嘅中心。財爺仲特登同到來參加大會嘅港代表茶聚,聯誼一番。

  昨日起一連三日喺浙江烏鎮舉行嘅第五屆世界互聯網大會,烏鎮係個古鎮,位於上海及杭州之間,今天已被譽為中國互聯網發展中心。 喺鎮內,大會嘅旗幟及標語隨處可見,夾雜濃濃水鄉風情建築物之中,別有一番風味。

  呢個係國際性嘅大規模會議,昨早開幕式不失氣派,首日議題係全球熱門話題,包括大數據、人工智能、網絡保安及私隱問題等等。作為貴賓之一嘅財政司司長陳茂波十分細心,友善地安排咗一個茶聚,讓長途跋涉嚟烏鎮嘅港人能夠聯誼一番。佢提到香港嘅資訊科技發展,除了如大會議題外,更會朝住醫療同金融範疇進發,着力打造香港成為一個領先嘅智能城市。佢又強調,錢最重要是花得其所,對於香港有好處嘅建議,佢絕對樂意聆聽。

Kelly Chu


hd