Executive日記——公大生賣自家製酵素清潔劑

  後生仔創業唔簡單,要經得起風吹雨打。Kelly知道,有公開大學學生響應熱潮,開設社企推動環保,以環保酵素清潔劑打出名堂,但經歷人員流失、資金短缺後,創業路幾近放棄,幸獲大學創業基金支持再接再厲,環保社企得以延續。

  分別讀資訊科技、商科和護理系出身的馮廣照、程忠偉和麥麗晴,喺四年前參加創業比賽而碰頭,一起建立社企「果皮家族」,「用水果皮生產環保酵素,感覺既簡單又厲害」。程忠偉分享,當初參考一名博士生產酵素嘅配方,再以改良,炮製出自家品牌嘅橙皮酵素清潔劑。

  但創業唔容易,經歷人事變動、資金短缺等問題,昔日六人團隊只剩下三人。所幸,麗晴睇到公大一個創業比賽,於是鼓勵同伴一起參加,更贏得十萬元創業基金,令「果皮家族」得以延續。她分享,過程中自己獲益良多,眼界擴闊。

  公大會喺十二月七至八日舉行國際商業及管治研究所的年度學術會議,主題係「商業理論、機構責任及可持續發展」,在學校創業比賽獲獎的學生及畢業生會分享創業經過,有心嘅年輕人唔好錯過了。

Kelly Chu


hd